Շիա-մահմեդական «Ալ-Հուսի» խմբավորման առաջնորդ Աբդ Ալ-Մալիք Ալ-Հուտին հայտարարել է Եմենի մայրաքաղաք Սանայի գրավման և կառավարական զորքերի՝ ապստամբների կողմից պարտվելու մասին: Այս մասին է հաղորդում Agence France-Presse-ը՝ հղում անելով տեղական հեռուստատեսությանը:
«Մենք շնորհավորում ենք մեր մարդկանց ազգային հեղափոխության ընթացքում տարած հաղթանակի կապակցությամբ, որը համագործակցության վրա հիմնված նոր դարաշրջանի սկիզբ է դրել»,- հայտարարել է նա:
«Ալ-Հուսիի» հայտարարությանը հաջորդել է Եմենի նախագահ Անդ Ռաբբո Մանսուր Հադիի ելույթը, որը Եմենի բնակչության մեծամասնությանը՝ սուննիներին զգուշացրել է քաղաքացիական պատերազմի սպառնալիքի մասին և խոստացել է երկրում վերականգնել պետական իշխանությունը:
Օգոստոսի կեսից Եմենում շիաների և կառավարական զորքերի միջև կատաղի մարտեր են ընթանում: Սեպտեմբերի 21-ին Եմենի և շիաների մինչև ՄԱԿ-ի հատուկ դեսպանի ներկայությամբ զինադադարի համաձայնագիր է կնքվել, որը երեք ամսում նոր կառավարություն ձևավորելու հնարավորություն կտա:
