ԱՄՆ նախագահ Բարաք Օբաման ՄԱԿ-ի Գլխավոր ասամբլեայի նստաշրջանի ժամանակ այս շաբաթ մտադիր է հանդիպել «ընկերների և դաշնակիցների» հետ, որպեսզի ամրապնդի միջազգային կոալիցիան «Իսլամական պետություն» խմբավորմանը դիմակայելու համար: Այս մասին գրում է ITAR-TASS-ը:
Օբաման ընդգծել է, որ Սիրիայում և Իրաքում հարձակվելով գրոհայինների վրա` ԱՄՆ-ը միայնակ չի գործել, այլ որպես «ընդլայնված կոալիցիայի մասնակից, և դա այն է, ինչ մենք արեցինք»: Նա հստակեցրել է, որ այս անգամ ԱՄՆ-ին աջակցություն են ցուցաբերել Սաուդյան Արաբիան, Արաբական Միացյալ Էմիրությունները, Հորդանանը, Բահրեյնը և Կատարը:
Նա վստահեցրել է, որ, ընդհանուր առմամբ, ավելի քան 40 երկիր աջակցում են իսլամիստների դեմ պայքարում ԱՄՆ-ի ռազմավարությանը, սակայն կոնկրետ օրինակներ չի բերել: