«Բարսելոնա»-ի դարպասապահ Կլաուդիո Բրավոն նշել է, որ երջանիկ է կատալոնական ակումբում: Չիլիի հավաքականի 31-ամյա դարպասապահի կարծիքով` թիմի գլխավոր մարզիչ Լուիս Էնրիկեն աջակցում է իրեն:
Ընթացիկ մրցաշրջանում Բրավոն 4 հանդիպում է անցկացրել Իսպանիայի առաջնության շրջանակներում և բաց չի թողել ոչ մի գոլ: Սակայն Չեմպիոնների Լիգայի գավաթի խաղարկության մեկնարկային հանդիպմանը «Բարսելոնա»-ի դարպասը պաշտպանում էր Մարկ-Անդրե տեր Շտեգենը:
«Կարևորն այն է, որ մենք հաջող ենք սկսել մրցաշրջանը: Ես հանգիստ եմ ու երջանիկ: Աջակցություն եմ զգում թիմի, գլխավոր մարզչիս և ընտանիքիս կողմից: Կարծում եմ` «Բարսելոնա»-ի կազմի ռոտացիայի կապակցությամբ ավելի անհանգստացած են Չիլիում: Իսկ մրցակցությունը ֆուտբոլիստների միջև հիանալի է: Այն առաջընթաց կապահովի «Բարսելոնա»-ում»,- El Mundo Deportivo-ն մեջբերում է Բրավոյի խոսքերը: