Մյունխենի «Բավարիա»-ի գլխավոր մարզիչ Պեպ Գվարդիոլայի կարծիքով` ֆուտբոլիստները շատ խաղեր են անցկացնում մեկ մրցաշրջանում: Իսպանացի մասնագետի կարծիքով` նման ծանրաբեռնվածությունն անթույլատրելի է:
«Մենք սպանում ենք ֆուտբոլիստներին` նրանց ներկայացնելով մեծ պահանջներ: Խաղացողներին հանգստանալու ժամանակ է հարկավոր: Խոսքերս վերաբերում են ոչ միայն «Բավարիա»-ին, այլ նաև Դորտմունդի «Բորուսիա»-ին, «Բայեր»-ին:
«Համբուրգ»-ն, օրինակ, մեկ շաբաթ ժամանակ ուներ մեր դեմ խաղին նախապատրաստվելու համար, մինչդեռ մենք` ընդամենը կես օր: Հնարավոր չէ, որ ֆուտբոլիստները խաղադաշտ դուրս գան յուրաքանչյուր երրորդ օրը»,- Bild-ը մեջբերում է Գվարդիոլայի խոսքերը: