Հոլիվուդյան հսկա Warner Brothers կինոընկերությունը պատերազմ է հայտարարել նյույորքյան «Ջակոմո Ջեքս» փոքրիկ փաբի դեմ՝ գրում է RT-ն:
Ընկերությունը դատի է տվել փաբի սեփականատերերին, քանի որ «Ջակոմո»-ում երկու երգ է հնչել, որոնց իրավունքները պատկանում են կինոընկերությանը: Կինոստուդիայում հայտարարել են, որ այդ ստեղծագործություններն ապօրինի են օգտագործվել: Եվ այժմ փաբի տնօրենը պետք է վճարի 60 հազար դոլար՝ հեղինակային իրավունքները խախտելու համար:
Վերոնշյալ երգերից մեկը 80 տարեկան է: Այն Warner Brothers-ն օգտագործել է «Տիկնայք» ֆիլմում, որը էկրան է բարձրացել 1934-ին:
Ինչպես նշվում է կինոընկերության հայցում, պատասխանողների անհամաչափ գործողությունները պատճառել են և շարունակում են պատճառել հսկայական կորուստներ, որոնց չափը կարող է հստակորեն գնահատվել, իսկ եթե դատարանը որոշում չկայացնի պատասխանողների գործողությունների դադարեցման մասին, ապա հայցորդներին կպատճառվի անդառնալի վնաս: