YouTube-ում հայտնվել է վիրուսային տեսահոլովակ, որը, ըստ հեղինակների, պետք է բացատրի ամերիկուհիներին, թե հաջորդ ընտրություններին ինչու չպետք է քվեարկել ԱՄՆ ներկայիս նախագահ Բարաք Օբամայի օգտին՝ գրում է RIA Novosti-ն:
Տեսանյութը պատրաստվել է քաղտեխնոլոգ Ռիկ Ուիլսոնի կողմից ու վճարվել է «Ամերիկացիները համատեղ բարգավաճման համար» խմբի կողմից, որը ղեկավարում է հարուստ կալիֆոռնիացի գինեգործ Ջոն Ջորդանը՝ Հանրապետական կուսակցության հովանավորը:
Մեկ րոպեանոց հոլովակում դերասանուհին, որը մարմնավորում է նախկինում Բարաք անունով ինչ-որ տղամարդու սիրահարված կնոջ, պատմում է, թե ինչու նա իրեն արժանի չէ: Ըստ այդմ՝ նա լրտեսել է կնոջը, դիտել նրա էլեկտրոնային նամակներն ու տեքստային հաղորդագրությունները:
Կինն անդրադարձել է նաև Օբամայի առողջապահության բարեփոխմանը, որը իրեն թույլ չի տալիս ունենալ անհատական բժիշկ:
Հոլովակն առայժմ եթեր է դուրս եկել Հյուսիսային Կարոլինայում, նաև տեղադրվել YouTube-ում:
Ջոն Ջորդանը Politico պարբերականին հայտնել է, որ սյուժեի նպատակն է ուղղակիորեն դիմել ընտրող կանանց, որոնք առաջին հերթին են իրենց վրա զգում սոցիալ-տնտեսական բոլոր խնդիրները: