Վերջին շրջանում բոլորը խոսում են Ջորջ Քլունիի և Ամալ Ալամուդինի կայանալիք հարսանիքի մասին: Եթե Հոլիվուդի ամենահայտնի ամուրին որոշել է ամուսնանալ, ապա դա իրոք իրադարձություն է: Իսկ Spletnik.ru-ն առաջարկում է հետևել, թե ինչպես է նրա ոճը փոփոխվել 90-ականների վերջից սկսած:
Հենց այդ ժամանակվանից սկսած էլ Քլունիի կարիերայում սկսեց արձանագրվել վերելք: Նա հեռուստատեսությունում հայտնվեց դեռ 70-ականների վերջերին, սակայն իրականում ճանաչված դարձավ շնորհիվ «Շտապ օգնություն» սերիալի, որը էկրան բարձրացավ 1994թ.:
1995թ. կայացավ Քլունիի մասնակցությամբ ևս մեկ ֆիլմի պրեմիերա՝ Ռոբերտ Ռոդրիգեսի «Մայրամուտից արևածագ»-ը, որից հետո նա գերեց միլիոնավոր երկրպագուների սրտերը:
Երկու տարի անց նա նկարահանվեց Բեթմենի դերում՝ կրկին կարևոր փուլ հոլիվուդյան յուրաքանչյուր դերասանի կարիերայի համար:
Այդ ժամանակվանից սկսած՝ Քլունիի ֆիլմերը պսակվեցին հաջողությամբ:
Նա հանդես է գալիս նաև պրոդյուսերի և ռեժիսորի դերերով, իսկ նրա ստեղծած ֆիլմերը միայն դրական գնահատականների են արժանացել:
Ինչ վերաբերում է անձնական կյանքին, ապա Քլունին սրտակերի և համոզված ամուրիի համբավ է ձեռք բերել: Սակայն նա մեկ անգամ արդեն ամուսնացած եղել՝ 1989-1993թթ. նրա կինն էր դերասանուհի Թալիա Բալսամը:
Քլունին հայտնի է իր բազմաթիվ սիրավեպերով: Նրա ընկերուհիներն են եղել Լիզա Սնոուդոնը, Ջինջեր Լինն Ալենը, Էլիզաբեթ Կանալիսը և Սթեյսի Քիբլերը: Խոսում են նաև Քելլի Փրեսթոնի, Ռենե Զելվեգերի և Քրիստ Ալենի հետ ունեցած հարաբերությունների մասին:
