Նյու Յորքի փողոցներում մերկ կրծքով զբոսնելուց հետո Սքաութն ու Տալուլան կրկին մերկացել են, բայց այս անգամ՝ լոգարանում: Այս մասին գրում է kp.ua-ն:
Բրյուս Ուիլիսի և Դեմի Մուրի կրտսեր դուստրը՝ Տալուլան, բոլորովին վերջերս է դուրս գրվել կլինիկայից, որտեղ բուժվել է հարբեցողության և կոկաինի հանդեպ հակվածության դեմ: «Իսկ մի՞թե դա նշելու առիթ չէ»,- մտածել են քույրերն ու լոգարանում տոնակատարություն կազմակերպել:
Ճիշտ է, դա նշելու համար նրանք միայն կոկա-կոլա են խմել, սակայն դրա փոխարեն՝ լոգարանում մերկացած: Հենց այսպես էլ լուսանկարվել են և լուսանկարը տեղադրել Instagram-ում: Ճիշտ է, այս անգամ նրանք փորձել են թաքցնել իրենց բարեմասնությունները:
Այժմ Տալուլան գտնվում է մոր խնամակալության ներքո: Պապարացիները անընդհատ լուսանկարում են դերասանուհուն՝ կրտսեր դստեր հետ: Վերջիններս մասնակցում են հոգեթերապիայի սեանսների:
Երկու տարի առաջ անձամբ Դեմին բուժում է ստացել Cirque Lounge վերականգնողական կլինիկայում, որտեղ բուժվել են այնպիսի հայտնի անձինք, ինչպիսիք են՝ Լինդսի Լոհանը, Եվա Մենդեսը և Մերի-Քեյթ Օլսենը:
«Դեմին կարծես իր գլխով անցածը կրկին վերապրի,-պատմում է դերասանուհու շրջապատից աղբյուրը:-Նա փորձում է ուժեղ լինել հանուն դուստրերի… Սակայն Տալուլան դեռ լավն ու վատը չի տարբերում: Նա առանց արգելքների է մեծացել: Եվ մշտապես խնդիրների մեջ է հայտնվում, որպեսզի իր վրա ուշադրություն հրավիրի»:
Բնականաբար, աստղային հայրիկը նույնպես փորձում է ազդել դստեր վրա: Այսպես. չորս ամիս առաջ տեղեկանալով կոկաինի նկատմամբ դստեր հակվածության մասին՝ նա աղջկան զրկեց ժառանգությունից: Սակայն դա չօգնեց դստերը ազատվել իր վատ հակումներից: Այժմ, մոր վերահսկողության տակ, նա կարծես թե հրաժարվել է կոկաինից: Սակայն չարաճճիություններ չանել նրա մոտ դեռ չի ստացվում: