Ամերիկահայ նկարիչ Դանիել Վարուժան Հեջինյանը, խոսելով Հայաստանի անկախությունից, նշեց, որ ստեղծվեց մի գեղեցիկ, հաղթական բանակ, որով մենք հպարտ ենք, մեր խաղաղության պահապաններն են: Նրա խոսքով՝ երկու միլիոնանոց ժողովուրդը չի կարող լինել ագրեսիվ: «Այլ բան է, որ մեզ պաշտպանում է, որպեսզի մեր երեխաներին, մեր ծնողներին խաղաղ քուն պարգևի: Կա նաև շինարարական այդ մեծ հոսքը: Երևանը դարձել է եվրոպական մի գեղեցիկ քաղաք, մենք ունենք շատ գեղեցիկ մի օդանավակայան, որը բացվում է քո առաջ Շարլ դը Գոլի օդանավակայանից հետո»,-նշեց նա:
Նկարչի խոսքով՝ բողոքներ կան ամեն տեղ, կա նաև ԱՄՆ-ում: Բողոքողներն իրենց մեջ պետք է գտնեն իրենց բողոքի իմաստը և փորձեն դա իրենք հաղթահարեն:
«Սփյուռքի համար հայրենիքն ունի թե ֆիզիկական, թե հոգեկան կայունություն, որտեղ իրենք կայանում են: Առանց հայրենիքի չի կարող լինել մտավորականություն: Կարող է լինել, իհարկե, բայց չի կարող լինել հայկական: Սփյուռքը անում է ամեն ինչ, ինչ որ կարողանում է»,- հավելեց նա: