ՍԴՀԿ Հայաստանի կառույցի փոխատենապետ Վազգեն Մեսրոպյանը, խոսելով Հայաստանի անկախության մասին, «Առաջին լրատվական»-ի հետ զրույցում նշեց, որ Խորհրդային միությունից բաժանվելուց հետո արդեն, երբ մենք անկախություն ձեռք բերեցինք, պարզ է, որ շատ դժվարությունների միջով անցավ թե կառավարությունը, թե ժողովուրդը: Նրա խոսքով՝ այսօր էլ ժողովուրդը տառապում է այդ անկախությունից: «Մենք ուզում ենք, որ առաջին հերթին ՀՀ բնակչությունը, ժողովուրդը ավելի լավ ապրի, ավելի բարգավաճ ապրի, ավելի ապահով ապրի»,- ասաց նա:
Իսկ թե ինչն է խանգարում դրան, զրուցակիցս նշեց, որ խանգարում է անգործությունը, օլիգարխիան:
«Ամենակարևոր բաներից մեկը օլիգարխիան է: Ժողովուրդը պետք է ազատ աշխատի, ներկայումս դա չկա այստեղ: Եվ ուզում ենք, որ անպայման աշխատավարձերի բարձրացում լինի, որպեսզի առաջին հերթին հայաստանցին, հետո նոր սփյուռքահայը գա»,- հավելեց նա: