Արամ Ա կաթողիկոսը դժվարագույն գործ է ձեռնարկել, բայց ոչ սխալ: «Առաջին լրատվական»-ի հետ զրույցում ասաց Ստամբուլում հրատարակվող «Ակօս» շաբաթաթերթի նախկին աշխատակից, Հրանտ Դինքի ընկեր Տիրան Լոքմագյոզյանն՝ անդրադառնալով երեկ Արամ Ա կաթողիկոսի հնչեցրած պահանջին:
Նա նշեց, որ Արամ Ա կաթողիկոսը դժվարագույն գործ է ձեռնարկել, բայց ոչ սխալ: Նրա կարծիքով՝ նման պահանջները համատեղ մտածված, կապակցված պետք է լինեն:
«Նա ասում է, եթե չհաջողենք, դա ևս հաղթանակ է, մի կողմից համաձայն եմ, բայց մեր պահանջատիրությունը իրավական դաշտում շատ լուրջ խնդիր է, և եթե ինչ-որ մի գործոն ոչ միայն Սիսի կաթողիկոսարանի հետ կապված անհաջողություն լինի, եթե դատարանը որոշում է կայացնում մի հարցի վերաբերյալ, այլևս այդ նույն հարցով չեք կարող դատարան դիմել, ուստի նախ պետք է շատ լուրջ պատրաստություն և 100%-ի հասնող վստահություն, որ կհաջողենք ու կհասնենք այն նպատակին, անգամ եթե նպատակն այն է, որ թեկուզ մենք պարտվենք, բայց մենք պետք է դա լավ մտածված անենք, և ոչ թե մի խնդիր պետք է լինի, այլ խնդիրներն իրար հետ կապակցված»,- նշեց Տիրան Լոքմագյոզյանը: Վերջինս քիչ հավանական է համարում, որ Թուրքիայի սահմանադրական դատարանը բավարարի նման հայցը, թեև լիահույս չէ, որ հայցը կբավարարվի նաև ՄԻԵԴ-ում, քանի որ չկա բացարձակ արդարադատություն: «Կան քաղաքական խաղեր»,- ասաց նա:
Առաջարկում ենք մանրամասներին ծանոթանալ տեսանյութի միջոցով: