Շոտլանդիայի Գլազգո քաղաքում 6 մարդ է ձերբակալվել Շոտլանդիայի անկախության կողմնակիցների և հակառակորդների միջև բախման ժամանակ: Բախումը տեղի է ունեցել ուրբաթ երեկոյան: Այս մասին գրում է ITAR-TASS-ը`վկայակոչելով ոստիկանության ներկայացուցիչներին:
Գլազգոյի Ջորջ Սքուեր կենտրոնական հրապարակում հուզումները շարունակվել են մինչ առավոտ`չնայած դրանց ավելի քիչ մարդիկ են մասնակցել, քան ուրբաթ երեկոյան:
«Տվյալ պահին 6 մարդ է ձերբակալվել`Ջորջ Սքուերի միջադեպի հետ կապված: Հետաքննություն կիրականացվի, որը կարող է հանգեցնել նոր ձերբակալությունների»,- ասել է ոստիկանության ներկայացուցիչը: