Հայաստանի հրաձիգները 5 մեդալ են նվաճել Իսպանիայի Գրանադա քաղաքում անցկացված աշխարհի երիտասարդական առաջնությունում:
Մրցելույթի վերջին օրը Հրաչիկ Բաբայանը մասնակցել է 50մ, հրացան՝ 3 դիրքից վարժությանը և որակավորման փուլում 52 մրցակցից՝ 1163 միավորով գրավել 7-րդ տեղը: Նույն միավորն են խոցել չինացի և ֆրանսիացի մարզիկները, սակայն Բաբայանը նրանց շրջանցել է կենտրոնական 10-երի առավելությամբ: Հրաչիկ Բաբայանը մրցումն ավարտել է 7-րդ տեղում:
Այսպիսով, 10մ, օդամղիչ հրացան (60 կրակոց) երիտասարդների պայքարում Հրաչիկ Բաբայանը նվաճել է արծաթե մեդալ, 10մ, վազող թիրախ (20+20 կրակոց) երիտասարդ աղջիկների պայքարում Լիլիթ Մկրտչյանը նույպես արժանացել է արծաթե մեդալի, նույն վարժության տղաների (30+30 կրակոց) պայքարում Ռազմիկ Մինասյանը նվաճել է բրոնզե մեդալ, 10մ, վազող թիրախ՝ խառը վազք (2×20 կրակոց) եւ 10մ, վազող թիրախ (20+20 կրակոց) վարժություններում տղաների թիմը՝ Ռազմիկ Մինասյանը, Շանթ Սարգսյանը և Հովհաննես Խաչատրյանը, դարձել է կրկնակի բրոնզե մեդալակիր: