Վրաստանի նախկին նախագահ Միխեիլ Սաակաշվիլիի խորհրդական Վան Բայբուրդն այս օրերին Հայաստանում մասնակցում է Հայաստան-Սփյուռք 5-րդ համաժողովին:
«Առաջին լրատվական»-ի հետ զրույցում նա նշեց, որ Հայրենիք-Սփյուռք թեման Հայաստանի պետականության համար ամենակարևոր թեմաներից մեկն է, և պետք է շատ զգույշ լինել անվտանգության և այլ հարցերի շուրջ, Հայաստան-Սփյուռք թեմայի նկատմամբ բոլորը շատ զգույշ պետք է լինեն:
Վան Բայբուրդը կարևորեց Սփյուռքի նախարարության կողմից իրականացվող փոքրիկ, բայց կայուն քայլերը Հայաստան-Սփյուռք հարաբերությունների ամրապնդման համար:
Նա նշեց, որ մի երազանք ունի Սփյուռքի հետ կապված. հարկավոր է մի համաժողով էլ անել, որ ամեն տարի հայությունը հավաքվի և վերլուծի, թե ինչու մենք հարյուր տարի առաջ կորցրինք մեր պետականությունը:
«Հիմա այնպիսի մարտահրավերներ են, ամբողջ աշխարհում ընթանում են գործընթացներ, այդ թվում և Հայաստանում, մենք պետք է հիշենք՝ ինչպես կորցրինք, ինչն էր պատճառը»,-ասաց նա:
Զրուցակիցս նշեց, որ Հայաստանը յոթ դար չուներ պետականություն, ու դա ներքին խնդիրների պատճառով էր, և ամեն տարի հայությունը պետք է դա վերլուծի, որ հանկարծ դարձյալ այդ վտանգի առաջ չկանգնի:
Ավելին՝ տեսանյութում:
