«Առաջին լրատվական»-ը զրուցել է ՍԴՀԿ Հայաստանի կառույցի փոխատենապետ Վազգեն Մեսրոպյանի հետ:
–Համաժողովը մեկնարկեց: Հայրենիք-Սփյուռք կապը ի վերջո ամրապնդվո՞ւմ է այս համաժողովներով, թե՞ այսպես գալիս ելույթ ենք ունենում ու գնում:
–Ինչպես նշեց մեր Կենտրոնական վարչության ատենապետը՝ սրանից առաջ եղած չորս համաժողովները մնացին թղթի վրա: Մենք հույս ունենք, որ այս հինգերորդ համաժողովը կհասնի իր նպատակներին: Հայրենիք-Սփյուռք միշտ ամուր ենք, բայց գործնականորեն, այսօրվա դրությամբ մի քիչ գործնականորեն հեռու ենք: Սոցիալ-դեմոկրատական հնչակյան կուսակցության նպատակն է, որ ամրապնդվի և կայուն հիմքերի վրա դրվի Սփյուռք-Հայրենիք համագործակցությունը: Ճիշտ է, մի քիչ Հայաստանի Հանրապետության կառավարությունից էլ է կախված, բայց դե Սփյուռքի մեր կառույցները պետք է այլևս հավատան, որ հայության համար կա մեկ հայրենիք՝ դա էլ Հայաստանն է:
–Սփյուռքը միշտ հայրենիք դիտարկել է Արևմտյան Հայաստանը, արդյոք սա խնդիր չէ՞ Հայաստանի կյանքում ներգրավվելու, պատասխանատվություն կրելու առումով:
–Մենք արդեն Ցեղասպանության 100-ամյակի շեմին ենք: Ճիշտ է, որ ասում եք, թե Սյուռքի հայերը Արևմտյան Հայաստանով են ոգևորված: Մենք՝ որպես սփյուռքահայեր, ինչպես նաև ՀՀ ժողովուրդը միշտ ուզում է, որ մեր լրիվ հողերը ետ վերադարձնենք: Դա մեր ողջ հայության երազանքն է: Մենք ուշ թե շուտ Թուրքիային գոնե պարտադրելու ենք ճանաչել Ցեղասպանությունը, իսկ հողային պահանջներ, ինչպես ասել են մեր ներկայիս և նախկին նախագահները, մենք չունենք: Դա հիմա, իսկ հետո չենք կարող ասել: Մեր ներկայիս հայրենիքը շարունակում է մնալ Հայաստանը:
Հարցազրույցն ամբողջությամբ՝ տեսանյութում:
