«Հրապարակ» թերթը գրում է. «Մոտ 30 պատգամավոր, վարչապետ Հովիկ Աբրահամյանի գլխավորությամբ, անսալով ԱԺ ԲՀԿ-ական պատգամավոր Արագած Ախոյանի ահազանգին՝ այսօր կայցելեն պատմական Աղձք՝ Աշտարակի շրջանի նախկին Ձորափ գյուղ: Պատգամավորը խորհրդարանի վերջին քառօրյային, կառավարության հետ հարցուպատասխանի ժամին ահազանգել էր իր հարազատ գյուղում գտնվող Արշակունիների դամբարանի անմխիթար վիճակի մասին և լուծումներ խնդրել: Նա իր անձնական միջոցներով դամբարանի հարակից տարածքի նորոգման հարցերը լուծել է, սակայն ասում է, որ պատմական հուշակոթողի համար պետական միջոցներ ու վերաբերմունք է հարկավոր:
Վարչապետին ուղեկցող շքախմբում, մեր տեղեկություններով, կլինեն նաև Ռուբիկ Հակոբյանը, Ալեքսանդր Արզումանյանը, Սամվել Ֆարմանյանը, Տաճատ Վարդապետյանը և այլք: Խումբը տեղում ծանոթանալու է 4-րդ դարի հուշարձանի՝ մատուռի, բազիլիկ եկեղեցու և կիսատ մնացած պեղումների անմխիթար վիճակին, հնագետների առաջարկությամբ լուծումներ է գտնելու, անշուշտ՝ օրն ավարտվելու է կերուխումով: Արշակունյաց թագավորների 364թ. կառուցած դամբարանի մասին հիշատակվում է նաև Մովսես Խորենացու «Պատմություն Հայոց»-ում: Արագած Ախոյանն ասում է, որ դամբարանները կիսատ են պեղել. «Ամոթ էլ է ասել՝ ոսկորները շների բաժին են դառնում»:
Մանրամասները՝ թերթի այսօրվա համարում
