Wikileaks-ի հիմնադիր Ջուլիան Ասանժը կարծում է, որ Google ընկերության հիմնական նպատակը հետախուզական տվյալներ հավաքելն է: Այս մասին նա հայտարարել է BBC հեռուստաալիքին:
«Google-ի բիզնես-մոդելը կայանում է հետախուզական տվյալներ հավաքելու մեջ,- ընդգծել է նա: -Այն ընկերությանը 80% շահույթ է բերում»:
«Google-ը մարդկանց մասին տեղեկատվություն է հավաքում, դասակարգում և պահպանում է այն: Այնուհետև փորձում է կանխագուշակել նրանց նախապատվությունները և արարքները, այնուհետև վաճառում է տվյալները, մեծամասամբ՝ գովազդ պատրաստողներին»,- նշել է նա:
Ասանժը համոզված է, որ ընկերության աշխատանքը «նման է ԱՄՆ-ի Ազգային անվտանգության գործակալության և բրիտանական «Կառավարական կապի շտաբի» կատարած աշխատանքներին:
Wikileaks-ի հիմնադիրը բացատրել է, որ Google-ը հզոր մարքեթինգային ուժ ունի:
