Ամերիկյան The Hill պարբերականը հրապարակել է լիբերալ հայացքների տեր տարբեր մասնագիտությունների ներկայացուցիչների էլեկտրոնային նամակները, որոնցում նրանք իրենց դժգոհությունն են հայտնում դեմոկրատների կուսակցությունից առաջիկա նախագահական ընտրությունների գլխավոր թեկնածու Հիլարի Քլինթոնից։
Նրանց մեծամասնությունը համարում է, որ Հիլարի Քլինթոնը հակված է արտաքին քաղաքականության մեջ լինել չափազանց ագրեսիվ, ինչն անհամատեղելի է ԱՄՆ ֆոնդային շուկայի քաղաքականության հետ, որը, նրանց կարծիքով, լավ է զարգանում աշխարհում կայուն իրավիճակի պայմաններում։
Իրենց նամակներում հեղինակները հիշեցնում են այն մասին, որ Նյու Յորքի նահանգի սենատոր եղած ժամանակ Քլինթոնը պաշտպանում էր այն ժամանակվա նախագահ Ջոջ Բուշ կրտսերի քաղաքականությունը՝ Իրաք զորք մտցնելու մասին։ Չնայած այն բանին, որ ավելի ուշ նա հայտարարել էր, թե իր ձայնը «սխալմունք» է եղել, ամերիկյան լիբերալներն առաջվա պես համարում են, որ նրա վարկը, ինչպես և բոլոր նրանց, ովքեր քվեարկել են Իրաքում ռազմական գործողությունների օգտին, «արատավորված» է։
ԱՄՆ նախկին պետքարտուղարից դժգոհության ևս մի պատճառ ակտիվիստները նշում են այն տնտեսական քաղաքականությունը, որը վարում էր նրա ամուսինը՝ ԱՄՆ 42-րդ նախագահ Բիլ Քլինթոնը։ Նրանց կարծիքով՝ այդպիսի քաղաքական կուրսը նպաստում է ֆինանսական քայքայմանը։