Մարդիկ, ովքեր հակված են միգրենի միջին տարիքում, ունեն Պարկինսոնի հիվանդության զարգացման ավելի քան երկու անգամ ավելի շանս, ցույց է տվել նոր հետազոտությունը։ Կապը, ինչպես ենթադրվում է, պայմանավորված է գլխուղեղում դոֆամինի ռեցեպտորների դիսֆունկցիայով։
Վիճակագրությունը վկայում է, որ յուրաքանչյուր հինգերորդ կինը և յուրաքանչյուր 15-րդ տղամարդը տառապում են միգրեններով, որոնք սովորաբար սկսվում են վաղ հասուն հասակում։
Չնայած պրոբլեմն այդքան տարածված է, սակայն միգրենի ստույգ պատճառը դեռ հայտնի չէ։ Ինչպես ենթադրում են, այն քիմիական նյութերի մակարդակների և ուղեղի արյունատար անոթների ժամանակային փոփոխությունների հետևանք է։ Միգրենով տառապող մարդկանց մոտավորապես կեսն ունի նույն պրոբլեմով ազգական, ինչը հիմք է տալիս ենթադրելու հիվանդության ժառանգականության մասին։
Ուղեղում դոֆամինի ռեցեպտորների դիսֆունկցիան ընդհանուր աշխտանիշ է ինչպես Պարկինսոնի սինդրոմի, այնպես էլ անհանգիստ ոտքերի համար. ըստ հիպոթեզի, այդ հիվանդությունները տարիներ շարունակվող միգրենի հետևանք են, գրում է Mail Online-ը։
