Իրանի նախագահ Հասան Ռոհանին քննադատել է Ամերիկայի Միացյալ Նահանգներին «Իսլամական պետության» դեմ ցամաքային գործողությանը մասնակցելուց հրաժարվելու համար։ Այդ մասին հաղորդում է Agence France-Presse-ը։ Իսլամական Հանրապետության նախագահի կարծիքով՝ ամերիկացիներին չի հաջողվի գրոհայինների նկատմամբ հաղթանակի հասնել միայն օդային հարվածներով։
NBC հեռուստաալիքի հետ հարցազրույցում Ռոհանին հարց է տվել. «Մի՞թե ամերիկացիները վախենում են Իրաքում ցամաքային գործողությունում կորուստներից»։ Իրանի նախագահը հայտարարել է, որ հնարավոր չէ պայքարել ահաբեկչության դեմ՝ չզոհաբերելով զինծառայողների կյանքը, և որ չի կարելի հաջողության հասնել՝ կիրառելով միայն ռմբակոծություններ և անօդաչու թռչող սարքեր։
«Սեպտեմբերի 17-ին Բարաք Օբաման հայտարարել էր, թե ԱՄՆ-ը զորքեր չի ուղարկելու Իրաք ցամաքային գործողությանըմասնակցելու համար, այլ կսահմանափակվի օդից աջակցությամբ։