Այսօր կառավարության մոտ էր եկել Լեոյի 26 հասցեում բնակվող Գոհար Ջավահիրյանը, որն ապրում է տատիկի հետ 25 տարի առաջ գնած տանը, սակայն հիմա հայտնվել է փաստի առաջ:
Տան երկրորդ հարկը վաճառված չէ, հիմա իրենց այդ տունը վաճառողի քույրը ասում է, որ ինքն ու տատիկը վարձով են ապրում. «Մենք ունենք վճիռ, ներքին առք ու վաճառքի գրություն, հաշմանդամ տատիկիս հետ եմ ապրում, գալիս են ոստիկանության աշխատակիցները ձերբակալման ահաբեկումով, որ քաղաքապետարանը որոշում է տվել հակառակորդիս, որ 2012-ին կասեցվել է այդ որոշումը: Մեզ վաճառողը Հայաստանում չէ, Փարիզում է, իսկ քույրը ընդհանրապես ոչ մի իրավունք չունի և քաղաքապետարանի հետ համաձայնության է եկել տան չափագրման հարցում»,-ասաց Գոհար Ջավահիրյանը:
«Ես դիմել եմ ոստիկանապետին, թե ում հրամանն են կատարում ոստիկանները, որ ուզում են գալ մեզ հանել տնից, չափագրել: 2014-ին նոր որոշում են ձեռք բերել, վերականգնել վաճառողի քրոջ իրավունքները: Խնդրում եմ Հովիկ Աբրահամյանի միջնորդությունը այս հարցի լուծման համար»,- հուզված նշեց աղջիկը:
Ավելին՝ տեսանյութում:
