Այսօր կառավարության մոտ էր եկել 80-ամյա Մագդալենա Նիկոլյանը, որը հոկտեմբերին պատրաստվում է գնալ դասի: Մալդալենա Նիկոլյանը 77-ին ավարտել է Մանկավարժական ինստիտուտի պատմահասարակագիտական բաժինը, ապա մեկնել ՌԴ՝ սովորելու: Ուսումը կիսատ է թողել: Սակայն միշտ մեծ ցանկություն է ունեցել սովորել Միջազգային հարաբերություններ: Եվ ահա ՀՀ ԿԳ նախարար Արմեն Աշոտյանը նրան խոստացել է հովանավորել: Տատիկը կսովորի Հյուսիսային համալսարանի միջազգային հարաբերությունների բաժնում: «Սովերել եմ, սովորում եմ և կսովորեմ»,- ասաց տատիկը:
Արմեն Աշոտյանին հանդիպել է կառավարության մոտ ամիսներ առաջ, ասել, որ դիպլոմը կորել է, նախարարն էլ ասել է, որ դիմում գրի, ուղարկի արխիվ: Տատիկը նրան ասել է, որ ուզում է շարունակել կրթությունը:
«Ես պաշտոն չեմ ուզում: Բոլորը նախագահ են ուզում, բա քատուղար չկա՞, բոլորի դիմակները պատռվել են: Ես լինեմ նախագահ, մեկ տարվա ընթացքում երկիրը ռելսերի վրա կդնեմ, հարցերը կլուծվեն տեղում»,- ասաց Մագդալենա Նիկոլյանը:
Նա պատրաստվում է ընթերցել պարտադիր գրականության ցանկը, կգնա Հանրային գրադարան: Դասերից չի բացակայի, իսկ քննություններին էլ լավ կպատրաստվի: Այս պահին էլ Մագդալենա Նիկոլյանը պատրաստ է նախագահ դառնալ:
Ավելին՝ տեսանյութում:
