Լեռնային Ղարաբաղի հարցով Հայաստանի և Ադրբեջանի միջև ձգձվող հակամարտությունը շարունակում է անհանգստացնել ԱՄՆ կառավարությանը, հատկապես երբ շփման գծում երկու կողմերից մարդկային կորուստները ողբերգականորեն և կտրուկ ավելացել են վերջին մի քանի ամիսներին: Այս մասին, ինչպես հայտնում է Հայաստանում ԱՄՆ դեսպանատան կայքը, ասել է Հայաստանում ԱՄՆ դեսպանի թեկնածու Ռիչարդ Միլսը՝ ԱՄՆ Սենատի Արտաքին հարցերով հանձնաժողովի առջև ելույթի ժամանակ:
«Վարչակազմը ձգտում է խաղաղ կարգավորման՝ Մինսկի խմբի գործընթացի միջոցով: Պետքարտողար Քերին այս մեսիջը փոխանցել էր, երբ սեպտեմբերի 4-ին Ուելսում ՆԱՏՕ- գագաթնաժողովին հանդիպել էր Հայաստանի և Ադրբեջանի նախագահների հետ՝քննարկելու խաղաղ բանակցություններում առաջընթացի ուղին: Դեսպանի պաշտոնում հաստատվելու դեպքում կհամակարգեմ Մինսկի խմբի ամերիկացի համանախագահ Ջեյմս Ուորլիքի հետ, թե ինչպես կարող ենք երևանյան դեսպանատունն ու ես նպաստել վարչակազմի ջանքերին՝ հեշտացնելու առաջիկա ամիսների հանդիպումները»,- ասել է նա:
Կարևոր է օգնել Հայաստանին՝ հարաբերություններ կառուցել իր բոլոր հարևանների հետ և ապահովել Լեռնային Ղարաբաղի հակամարտության խաղաղ լուծումը, ասել է նա՝ հավելելով, որ ազատ և ծաղկուն Հայաստան ունենալու իրենց նպատակը հավասարապես աշխատանք է պահանջում նաև Հայաստանի ներսում: