Իրաքի վարչապետ Հայդեր ալ-Աբադին բացառել է Իրաքի տարածքում «Իսլամական պետություն» խմբավորման դեմ այլ երկրների ցամաքային գործողության հավանականությունը: Այս մասին հայտնում է արաբական «Ալ-Արաբիա» արբանյակային հեռուստաալիքը:
««Իսլամական պետության» ուղղությամբ ամերիկյան օդային հարվածները մեզ մեծապես օգնեցին, սակայն Իրաքում օտարերկրյա ցամաքային ուժերի վայրէջքի անհրաժեշտություն չկա, և մենք լիովին բացառում ենք այդ հնարավորությունը»,- ասել է ալ-Աբադին:
Միաժամանակ, նա միջազգային հանրությանը կոչ է արել ««Իսլամական պետության» դեմ գործողությունները տարածել Սիրիայի տարածքում»: «Բռնությունը կշարունակվի, եթե «Իսլամական պետությանը» հարված չհասցվի Սիրիայի տարածքում: Միջազգային հանրությունը և առաջին հերթին՝ ԱՄՆ կառավարությունը պետք է պատասխանատվություն հանդես բերեն և Սիրիայում ինչ-որ բան անեն «Իսլամական պետության» դեմ»,- նշել է ալ-Աբադին: