Իրանի արտգործնախարար Մուհամմադ Ջավադ Զարիֆը արտասահմանյան երկրներին մեղադրել է «վտանգավոր ֆենոմենի» ստեղծման մեջ՝ ի դեմս «Իսլամական պետություն» ահաբեկչական խմբավորման: Այս մասին հայտնում է France-Presse գործակալությունը:
«Ֆրանկենշտեյնն ըմբոստացել է՝ հետապնդելու իր ստեղծողներին»,- հայտարարել է Զարիֆը Վաշինգտոնում մամլո ասուլիսի ժամանակ:
Նրա խոսքով՝ իսլամիստ գրոհայինները չեն կարող ոչնչացվել օդային ռմբակոծությունների ճանապարհով:
Ավելի վաղ Իրանի նախագահ Հասան Ռուհանին հայտարարել էր, որ «Իսլամական պետություն» ահաբեկչական խմբավորումը ցանկանում է ոչնչացնել մարդկությունը: