67 տարի առաջ՝ 1947 թվականի սեպտեմբերի 18-ին, ստեղծվել է ԱՄՆ Կենտրոնական հետախուզական վարչությունը (ԿՀՎ): Այն ԱՄՆ դաշնային կառավարության գործակալություն է, որի հիմնական գործառույթը օտարերկրյա կառավարությունների, կազմակերպությունների և քաղաքացիների մասին տվյալների հավաքումն ու վերլուծությունն է:
Երկրորդ համաշխարհային պատերազմի ժամանակ նախագահ Ռուզվելտի հրամանով ստեղծվել է ԱՄՆ պատմության մեջ առաջին հետախուզական կազմակերպությունը՝ «Ռազմավարական ծառայությունների վարչությունը»: Պատերազմից հետո արդեն նախագահ Թրումենը վերաձևավորել է այն և 1946-ին արձակել Ազգային հետախուզական վարչություն ստեղծելու հրաման:
Հաջոդ տարի Կոնգրեսն ընդունել է բոլոր հետախուզական աշխատանքները կենտրոնացնելու որոշում՝ միասնական կազմակերպության շրջանակներում: Նախագահ Թրումենի՝ Ազգային անվտանգության մասին օրենքի ստորագրումից հետո՝ 1947-ի սեպտեմբերի 18-ին, պաշտոնապես հիմնադրվել է Կենտրոնական հետախուզական վարչությունը, որը ենթարկվում է Ազգային անվտանգության խորհրդին: ԿՀՎ առաջին տնօրենն է եղել կոնտրծովակալ Ռոսքոու Հիլենքոթերը:
