Այսօր Շոտլանդիայում կանցկացվի Մեծ Բրիտանիայից առանձնանալու հարցով հանրաքվե: 4 միլիոնից ավելի բնակիչները պետք է պատասխանեն հետևյալ հարցին՝ «Պե՞տք է Շոտլանդիան դառնա անկախ երկիր»: Այս մասին հայտնում է ITAR-TASS-ը:
Տեղի ժամանակով ժամը 07.00-ին (Երևանի ժամանակով՝ 10.00-ին) Շոտլանդիայում կբացվեն ավելի քան 2600 ընտրատեղամասեր:
Արհմիությունները դիմել են գործատուներին՝ աշխատակիցների գրաֆիկին մեղմ վերաբերվելու խնդրանքով: Ընտրատեղամասերը կփակվեն ժամը 22.00-ին, որից հետո կսկսվի քվեաթերթիկների հաշվարկը:
Կամարտահայտման վերջնական արդյունքները կհայտարարվեն ուրբաթ առավոտյան:
Նշվում է, որ 2 տարով նվազեցվել է քվեարկությանը մասնակցելու տարիքը՝ 18-ից դարձել է 16:
Անկախությանը կողմ քվեարկելու դեպքում Շոտլանդիան կանկախանա 2016-ի մարտի 24-ից ոչ շուտ: