Քուվեյթը պատրաստ է Իրանի հետ կոորդինացնել «Իսլամական պետություն» ահաբեկչական խմբավորման դեմ գործողությունները` ԱՄՆ-ի գլխավորած միջազգային կոալիցիայից դուրս: Այս մասին գրում է «Էլ-Ջարիդա» պարբերականը` վկայակոչելով Քուվեյթի ԱԳՆ ղեկավար Հալեդ Ջարալին:
«Թեհրանը տարածաշրջանում և Սիրիայում հիմնական դերն է խաղում, այդ պատճառով էլ նրա հետ կարելի է փոխըմբռնման դաշտ գտնել «Իսլամական պետության» դեմ պայքարում, սակայն կոալիցիայից դուրս»,- ասել է նա:
Նա նաև նշել է, որ Քուվեյթը չի պատրաստվում Սաուդյան Արաբիային և ԱՄՆ-ին համոզել Իրանի` դաշինքին մասնակցելու անհրաժեշտության մասին:
