Տարածաշրջանային հետազոտությունների կենտրոնը (ՏՀԿ), Հայաստանում Մեծ Բրիտանիայի դեսպանատան աջակցությամբ, անցկացրեց հանրային քննարկում՝ նվիրված վերջերս կայացած ՆԱՏՕ-ի գագաթնաժողովին՝ Հայաստանի և Հարավային Կովկասի վրա դրա ազդեցության շեշտադրմամբ։ Միջոցառմանը ելույթներով հանդես եկան Հայաստանում Մեծ Բրիտանիայի դեսպան Քեթի Լիչը, Վրաստանում ՆԱՏՕ-ի ներկայացուցչական գրասենյակի ղեկավար Ուիլյամ Լահյուն, ՀՀ Ազգային ժողովի պաշտպանության, ազգային անվտանգության և ներքին գործերի մշտական հանձնաժողովի նախագահ Կորյուն Նահապետյանը, ՏՀԿ ավագ փորձագետ Դավիթ Շահնազարյանը և ՏՀԿ տնօրեն Ռիչարդ Կիրակոսյանը։
ՀՀ Ազգային ժողովի պաշտպանության, ազգային անվտանգության և ներքին գործերի մշտական հանձանաժողովի նախագահ Կորյուն Նահապետյանը ամփոփեց ՆԱՏՕ-ի գագաթնաժողովը, խոսեց գագաթնաժողովի արդյունքների, Հայաստանի մասնակցության ձևաչափի մասին մանրամասնորեն: Ապա, անդրադառնալով Ադրբեջանի պատվիրակության ներկայությանը Ուելսում, ասաց, որ տեսակետներ կային, թե Ուելսում Ադրբեջանը ցանկանում է բարձրացնել ԼՂ հակամարտության կարգավորման ԵԱՀԿ ՄԽ ձևաչափի փոփոխման անհրաժեշտության հարցը: Սակայն Նահապետյանն ընդգծեց, որ սա Ադրբեջանին չհաջողվեց:
Առաջարկում ենք մանրամասներին ծանոթանալ տեսանյութի միջոցով: