Տղամարդկանց Playboy ամսագիրը կազմել է ամերիկյան բուհերի ցանկը, որտեղ տեղի են ունենում ամենաուրախ երեկույթները:
Ամսագրի հաղորդագրության մեջ ասվում է, որ վարկանիշը կազմվել է ուսանողների համար գիշերային կյանքի կազմակերպման հասանելիության վարկանիշի և երեկույթների կազմակերպիչների կրեատիվության հիման վրա:
Ամենաուրախ ուսումնական հաստատությունների տասնյակը գլխավորում է Փենսիլվանիայի համալսարանը:
Playboy-ը գրում է, որ երեկույթներում ալկոհոլի վրա ուսանողները ծախսում են հազարավոր դոլարներ, իսկ մրցակցությունը համալսարանի ուսանողական միավորումների միջև կրում է «այլասերվածության տոտալ պատերազմի բնույթ»:
Երկրորդ տեղում է Մեդիսոնի Վիսկոնսինի համալսարանը: Պատվավոր եռյակը ամփոփում է Արևմտյան Վիրջինիայի համալսարանը: Վերջինիս հաջորդում են Արիզոնայի, Այովայի, Կալիֆոռնիայի համալսարանները, Մայամիի մասնավոր համալսարանը, Կոլորադոյի պետական համալսարանը, Տեխասի ու Սիրակուզայի համալսարանները: