Չինաստանի մայրաքաղաք Պեկինի Դունչեն շրջանի հասարակական անվտանգության վարչությունը (դատախազություն) վճռել է կալանավորել ասիական ու հոլիվուդյան մարտաֆիլմերի աստղ Ջեկի Չանի որդուն՝ Ջեյսի Չանին, թմրանյութ օգտագործող մարդկանց թաքցնելու կասկածանքով:
Ինչպես հայտնում են տեղի ԶԼՄ-ները, նրան սպառնում է 3 տարվա ազատազրկում:
Դերասան ու երաժիշտ 32-ամյա Ջեյսի Չանը ձերբակալվել էր Պեկինում՝ օգոստոսին: Կատարելով արյան անալիզ՝ նրա օրգանիզմում հայտնաբերվել էին մարիխուանայի հետքեր, իսկ Չանի բնակարանի խուզարկության ժամանակ՝ 100 գրամ թմրանյութ: Անձամբ դերասանը խոստովանել էր, որ սկսել է թմրանյութ օգտագործել դեռ 8 տարի առաջ:
Ավելի վաղ Չան-ավագը՝ դիմելով որդուն, ասել էր. «Դու կատարել էիր անպարկեշտ արարք ու պետք է պատասխանատվություն կրես հետևանքների համար: Սակայն ես քո հայրն եմ ու միշտ քեզ հետ կլինեմ»:
«Ջեյսիի ու անձամբ իմ անունից ես բոլորից խորապես ներողություն եմ խնդրում»,- ասել էր Ջեյսիի հայրը: