Ամերիկացի և ֆինլանդացի քիմիկոսները առաջին անգամ նկարահանել են մոլեկուլի տատանումները իրական ժամանակի ռեժիմում: Այս մասին ասվում է Nature Photonics ամսագրում հրապարակված հոդվածում:
1980 թվականից սկսած գիտնականները ցուցադրել են միայն մոլեկուլների պատկերներ, իսկ այժմ քիմիկոսներին հաջողվել է հետևել մոլեկուլների անընդհատ շարժմանը իրական ժամանակի ռեժիմում և այդպիսով ուսումնասիրել դրա անցումը մի քվանտային վիճակից մյուսին:
Դրա համար գիտնականները կիրառել են մեկ զույգ նանոմասնիկները, որոնք ամրացվել են մոլեկուլին: Այդ նանոմասնիկները հանդես են եկել ինքնատիպ ալեհավաքի դերով, որի միջոցով գիտնականները կարողացել են հետևել մոլեկուլի տեղաշարժին: Տեսանյութը դեռևս անհասանելի է:
Գիտնականները ծրագրում են հետևել նոր քիմիական միացությունների ձևավորմանն ու մոլեկուլների կազմալուծմանը:
Փորձագետների կարծիքով՝ քիմիկոսների բացահայտումը կարող է նպաստել բարձր արտադրողականության քվանտային համակարգիչների ստեղծման առաջընթացին, ինչպես նաև կօգնի էլեկտրոնային հաղորդագրությունների ծածկագրման մեթոդների կատարելագործմանը: