Լեստերի համալսարանի գիտնականները պարզել են Անգլիայի թագավոր Ռիչարդ 3-րդի մահվան պատճառները, գրում է The Lancet-ը:
Ինչպես հայտնի է, միապետը մահացել է Բոսվորտում 1485թ. օգոտոսի 22-ին՝ ճակատամարտի ժամանակ: Փորձագետները կատարել են Ռիչարդ 3-րդի ոսկորների անալիզ, որպեսզի պարզեն, թե ինչ զենքով է սպանվել, ու թե ինչ հարված է նրա համար ճակատագրական եղել:
Համակարգչային տոմոգրաֆիայի արդյունքում պարզվել է, որ մահվան պահին Ռիչարդ 3-րդը ստացել է 11 հարված. 2-ի հետքերը հայտնաբերվել են կմախքի ստորին հատվածում, ևս 9-ը՝ գլխին:
Դա թույլ է տվել գիտնականներին պարզել, որ ճակատամարտի ժամանակ նա կա՛մ հանել է սաղավարտը, կա՛մ կորցրել է այն:
