Իրանի և «վեցյակի» միջև իրանական միջուկային ծրագրի հարցով բանակցությունների նոր ռաունդը կսկսվի Նյու Յորքում սեպտեմբերի 19-ին: Այս մասին հայտնել է ԵՄ արտաքին և անվտանգության քաղաքականության հարցերով գերագույն ներկայացուցիչ Քեթրին Էշթոնի մամլո քարտուղար Մայքլ Մանը՝ փոխացնում է ITAR-TASS-ը:
«Գերագույն ներկայացուցիչ Քեթրին Էշթոնի նախագահությամբ Իրանի հետ բանակցությունների վերջին ռաունդը կսկսվի Նյու Յորքում սեպտեմբերի 19-ին՝ ՄԱԿ-ի լիագումար նստաշրջանի շրջանում»,- ասել է Մանը:
Նրա խոսքով՝ մինչ բանակցությունների մեկնարկը Էշթոնը երկկողմ հանդիպում կանցկացնի Իրանի արտգործնախարար Ջավադ Զարիֆի հետ: Հանդիպումը կկայանա այսօր՝ հայտնել է Մանը:
Ավելի վաղ Էշթոնի մամլո ծառայությունը Իրանի հետ բանակցությունների ամսաթիվ էր նշում սեպտեմբերի 18-ը:
Իրանն ու «վեցյակը» մտադիր են մինչ նոյեմբերի 24-ը ստորագրել համապարփակ համաձայնագիրը, որը կերաշխավորի Իրանի միջուկային ծրագրի բացառապես խաղաղ բնույթը: