Քիչ առաջ ավարտվեց քառյակի նիստը, որն այս անգամ անցկացվում էր ԱԺ ԲՀԿ խմբակցությունում:
Նիստի ավարտից հետո լրագրողների հետ զրույցում ԲՀԿ խմբակցության քարտուղար Նաիրա Զոհրաբյանն ասաց, որ քննարկել են երեք հիմնական հարցեր՝ առաջինը հանրահավաքի անցկացման օրն ու վայրն է որոշվել, հանրահավաքի օրակարգն ու բովանդակությունը և մարզային այցերը: «Որոշվել է, որ Քառյակի 3 քաղաքական ուժեր հոկտեմբերի 10-ին, ժամը 18.00 -ին կանցկացնեն հանրահավաք. «ՀՅԴ-ի մեր հարգարժան գործընկերները չեն մասնակցի միասնական հանրահավաքին՝ այն հիմնավորմամբ, որ կան տարաձայնություններ Սահմանադրական փոփոխությունների հետ կապված»,- նշեց Նաիրա Զոհրաբյանը:
Վերջինիս խոսքով՝ ՀՅԴ-ն չի մասնակցի հանրահավաքին այն պատճառաբանությամբ, թե իրենք կողմ են իշխանությունների նախաձեռնած սահմանադրական փոփոխություններին։ Իսկ այդ հարցը ՀՅԴ-ն իր համար շատ կարևոր է համարսւմ:
ՀՅԴ-ն այդպիսով մյուս երեք ուժերի հետ չի մասնակցի նաև մարզային հանդիպումներին: Սակայն հանրահավաքի ժամանակ քառյակի անունից համատեղ հայտարարություն կհնչի, որով կգնահատվի իշխանություններին իրենց ներկայացրած 12 պահանջների կատարման ընթացքը։
Ն.Զոհրաբյանը նաև ասաց, որ որոշել են կազմել աշխատանքային խմբեր, որոնք պետք է մեկնեն մարզեր և ժողովրղի հետ հանդիպումների ժամանակ ներկայացնեն, թե իշխանություններն ինչպես են կատարել այդ 12 կետերը, և ինչու են նախաձեռնել սահմանադրական փոփոխությունները։