Ամերիկյան Այդահո, Վայոմինգ և Մոնտանա նահանգների տարածքում տեղակայված Յելլոուսթոն ազգային պարկի ղեկավարությունը ծրագրում է այս ձմեռ սպանել պարկում ապրող մոտ 900 բիզոն՝ թույլ չտալու համար ինֆեկցիայի տարածումը, որով վարակված են կենդանիներից որոշները: ITAR-TASS-ի հաղորդմամբ՝ այս մասին սեպտեմբերի 16-ին հայտնել են արգելոցի պաշտոնական ներկայացուցիչները:
Նրանք նշել են, որ ներկայումս պարկում ապրում է մոտ 4.900 բիզոն: Տեսակի այդ կրճատումը արգելոցում կլինի վերջին 7 տարվա ընթացքում խոշորագույնը:
Այս որոշման պատճառը փորձագետների մտավախություններն են, թե բիզոնները կարող են տեղափոխվել Մոնտանա նահանգի արոտավայրեր և բրուցելոզ հիվանդությամբ վարակել տեղի ֆերմերների անասուններին:
