Այն, որ հայերը հայտնի են մշակութային օջախների, հատկապես եկեղեցիների ու մատուռների պատերին իրենց հետքը, սիրելի անունը իրենց անվան հետ մաթեմատիկական հավասարումներով գրելու, սիրո խոստովանություններ թողնելու դատապարտելի սովորությամբ, քաջ հայտնի է: Հայաստանում գրեթե անհնար է գտնել մի եկեղեցի, որի ներքին և արտաքին պատերը զերծ լինեն վերը նշված գրառումներից, խոստովանություններից ու սիրային այլ զեղումներից:
Խնձորեսկ գյուղի Սուրբ Հռիփսիմե եկեղեցու պատին սիրային զեղումներից զատ՝ մի ուշագրավ այլ գրառման հանդիպեցինք. հսկայական տառերով գրված էր՝ Գագիկ Բեգլարյան: Գրառման վերևում պատկերված էր աստղ, իսկ կողքին՝ ոչ պակաս հսկայական մի թուր, որն ըստ էության խորհրդանշում է Բեգլարյանի հզորությունը:
Ճիշտ է, չի բացառվում, որ սա մեկ այլ Գագիկ Բեգլարյան է, որի մականունը Չոռնի չէ, և նա ՀՀ տրանսպորտի և կապի նախարարը չէ, բայց ամեն դեպքում չենք կարող բացառել և այդ տարբերակը: Չնայած երկու դեպքում էլ արարքը դատապարտելի է:
