Օրերս, երեք տարվա ընդմիջումից հետո Ջոն Գալյանոն տվել է իր առաջին հեռուստատեսային հարցազրույցը, որի ընթաքցում հայտարարել է, որ բավականին արագ նորաձևության աշխարհ է վերադառնում:
Կուտուրյեն, ով 2011-ին հարբած վիճակում հակահրեական արտահայտություններ անելու համար հեռացվել էր Christian Dior Նորաձևության տան ղեկավարության կողմից, ֆրանսիական Le Supplément ծրագրի հաղորդավարին պատմել է, որ ներկա պահին ակտիվորեն զբաղվում է իր կարիերայով:
Գալյանոն հայտարարել է, որ նախկինում նա ամեն ինչ ունեցել է, սակայն երջանիկ չի եղել, իսկ այժմ նա երջանիկ է:
Նա հայտարարել է նաև, որ հուսով է օրերից մեկ օր հանդիպել ֆրանսիական LVMH ընկերության սեփականատեր Բեռնար Առնոյին և բացատրել երեք տարի վաղեմությամբ իր արարքը:
Հուսով ենք, որ Գալյանոն իրոք զղջում է և շուտով իր երկրպագուներին կուրախացնի իր նոր աշխատանքներով:
