Սաղավարտը, որը 1960-ին խորհրդային գիտնականներն օգտագործել են Բելկա և Ստրելկա շներին տիեզերք ուղարկելու համար, աճուրդում վաճառվել է 18 հազար դոլարով: Այս մասին, բրիտանական ԶԼՄ-ներին մեջբերելով, գրում է ITAR-TASS-ը:
Սաղավարտի վաճառքը կազմակերպել էր Auctionata աճուրդի տունը: Դրա նախնական գինը 10 հազար դոլար էր:
Սաղավարտը պատրաստված է բամբակից, նեյլոնից, ռետինից և ալյումինից, ինչպես նաև հագեցած է թթվածին մատակարարող խողովակով: Բելկան և Ստրելկան տիեզերքն են թռչել այլ սաղարատներով:
Բելկա և Ստրելկա շները պատմության մեջ առաջին կենդանի արարածներն էին, որոնք 1960-ին թռան դեպի տիեզերք և վերադարձան Երկիր: Դրանից առաջ, 1957-ին Լայկա շան հետ ուղեծիր դուրս եկավ տիեզերական ապարատը, որի վերադարձը տեխնիկական առումով անհնար էր, և շունը զոհվեց թռիչքի ժամանակ:
