Համացանցի ամերիկացի օգտատերերը վրդովվել են «արնոտված» բլուզների տեսքից, որոնց վրա կա Kent State University գրությունը, հայտնում է Metro-ն:
Նրանց կարծիքով՝ այս հագուստի դիզայնը, որը թողարկել է Urban Outfitters ապրանքանիշը, հղում է պարունակում 1970 թ. մայիսի 4-ին Քենթի համալսարանում հակառազմական ցուցին, որտեղ գնդակահարել էին ուսանողներին:
Բլուզը վաճառվում է կայքում 129 դոլարով: Այ բանից հետո, երբ հայտնվեցին բացասական արձագանքները, Urban Outfitters-ը հեռացրեց ապրանքն իր ինտերնետ խանութից: Ավելի ուշ դրանք eBay-ում հայտնվեցին 550 դոլարով, սակայն ոչ մեկը չէր վաճառվել, և հայտարարությունը հեռացվել էր:
Ընկերության ներկայացուցիչները ներողություն են խնդրել միջադեպի համար ու նշել, որ կատարվածը պատահականություն է։ Նրանց կարծիքով՝ կարմիր հետքերը կռվի հետևանքների իմիտացիա են: