Էբոլա տենդի բռնկման դեմ պայքարի համար 1 մլրդ դոլար կպահանջվի: Այս մասին լրագրողներին հայտնել է ՄԱԿ-ի Էբոլա վիրուսի դեմ պայքարի գլխավոր համակարգող Դևիդ Նաբարոն: Այդ գումարը 10 անգամ մեծ է 1 ամիս առաջ արված հարցումից, հայտնում է ITAR-TASS-ը:
«Գումարը, որը մենք խնդրել էինք մեկ ամիս առաջ, մոտ 100 մլն դոլար էր, իսկ այսօր դա 1 մլրդ դոլար է:Մեր հայտը 1 ամսում 10 անգամ մեծացել է, և դրա պատճառն այն է, որ վիրուսն այդ 1 ամսում կրկնապատկվել է»,- ասել է Նաբարոն:
Երեքշաբթի ՄԱԿ-ը հրապարակեց հիվանդության դեմ գործողությունների ծրագիրը, որի դեմ գրանցված դեղամիջոց կամ վակցինա չկա: Փաստաթղթում նշվում է. «Բռնկումը շարունակում է արագանալ, և վարակվածության բոլոր դեպքերի մոտ 40%-ը գրանցվել է վերջին 21 օրերին»:
