Սեպտեմբերի 16-ի առավոտյան Թբիլիսիի կենտրոնում տեղի է ունեցել հրդեհ հագուստի տոնավաճառում, որը հայտնի է որպես «գնչուական»:
Հրդեհն սկսվել է տեղի ժամանակով ժ. 6:00-ին: Կրակն ընդգրկել է մինչև 2,5 հազար քառակուսի մետր տարածք:
Կրակը մարելու համար, ըստ «Նովոստի-Գրուզիա» գործակալության, ներգրավված է եղել մոտ 20 հրշեջ բրիգադ, որոնք կարողացել են կանխել կրակի տարածումը մոտակա բնակելի տներ: Միևնույն ժամանակ, շուկայում այրվել են տասնյակ արկղ հագուստ ու կոշիկ:
Տուժածներ չկան, կրակի հասցրած վնասի չափը դեռ ճշտվում է:
