Թուրքիայի նախագահ Ռեջեփ Թայիփ Էրդողանը Moody ‘s Investors Service և Fitch Ratings վարկանիշային գործակալություններին մեղադրել է Թուրքիայի տնտեսությունը գնահատելիս քաղաքական մոտիվացման մեջ և զգուշացրել, որ Անկարան կարող է խզել կապերը նրանց հետ՝ հայտնում է Hurriyet Daily-ն:
Երկու գործակալություններն էլ վերջին շաբաթներին զգուշացրել են Թուրքիայում նախագահական ընտրություններում Էրդողանի հաղթանակի կապակցությամբ երկրում իրավիճակի պոտենցիալ բացասական ազդեցության մասին:
Էրդողանը լրագրողներին ասել է, որ այդ կանխատեսումները քաղաքականապես մոտիվացված են և հիմնված չեն երկրում տնտեսական իրավիճակի գնահատման վրա: «Մենք դադարեցրինք մեր համագործակցությունը Standard & Poor’s-ի հետ. եթե նրանք շարունակեն գնալ այդ ճանապարհով, ես կարող եմ վարչապետին ասել, որ այդ գործակալությունների հետ համագործակցությունը ևս անհրաժեշտ է դադարեցնել: Մենք դեռ չենք հասել այդ կետին»,- Էրդողանի խոսքը մեջբերում է Hurriyet Daily-ն: