Շոտլանդիայի դուրս գալը Մեծ Բրիտանիայի կազմից կնշանակի թագավորության հետ ընդհանուր արժույթի, դարերով ձևավորված զինված ուժերի, ինչպես նաև թոշակային հիմնադրամների կորուստ: Էդինբուրգի կողմից անկախության ձեռք բերումը կհանգեցնի նաև այն բանին, որ Շոտլանդիայի և Մեծ Բրիտանիայի միջև սահմանները կդառնան միջազգային: Այս մասին հայտարարել է բրիտանացի վարչապետ Դևիդ Քեմերոնը՝ ելույթ ունենալով շոտլանդական Աբերդինում սեպտեմբերի 18-ին նշանակված անկախության հանրաքվեից առաջ եզրափակիչ ելույթում՝ փոխանցում է RIA Novosti-ն:
«Անկախության մասին որոշումը կդառնա ոչ պարզապես գույքի բաշխում, այլ ցավոտ բաժանում»,- ասել է նա՝ հիշեցնելով, որ Շոտլանդիան ոչ միայն անկախություն, այլև խնդիրներ ձեռք կբերի, որը ստիպված կլինի լուծել որպես անկախ պետություն: