Ադրբեջանում լայնամասշտաբ օպերատիվ-ռազմավարական զորավարժություններին մասնակցելու համար ներգրավվել է մոտ 10 հազար պահեստային զինծառայող: Այս մասին հայտնում է haqqin.az-ը՝ հղում անելով երկրի պաշտպանության նախարարության մամլո ծառայությանը:
Սեպտեմբերի 13-20-ը Ադրբեջանում անցկացվում են ԶՈՒ բոլոր տեսակների զորքերի լայնամասշտաբ օպերատիվ-ռազմավարական հրամանատարաշտաբային զորավարժություններ՝ Թուրքիայի զինված ուժերի զորամասերի մասնակցությամբ:
Գերատեսչությունում նշում են, որ զորավարժություններն անցկացվում են զինված ուժերի միավորումների և զորամասերի մոբիլիզացման առաջադրանքների կատարման մակարդակը ստուգելու նպատակով:
Ըստ ծրագրի՝ անցկացվում են նաև տարբեր զինատեսակների կիրառության, բարոյահոգեբանական պատրաստվածության և մարտում գործողությունների համակարգման, մարտական կրակոցների հետ կապված գործնական զորավարժություններ: