Բազմաթիվ բողոքներից հետո ամերիկյան Apple կորպորացիան ներկայացրել է U2-ի նոր ալբոմը ջնջելու հնարավորություն: Այս մասին հայտնում է Engadget-ը:
iPhone 6-ի և Apple Watch-ի շնորհանդեսի ավարտին անցած շաբաթ հայտարարվել էր iTunes-ի բոլոր բաժանորդների համար U2 խմբի նոր ալբոմի անվճար հասանելիության մասին: Սակայն ոչ բոլոր օգտատերերն են գնահատել նվերը: Ըստ ամենայնի, Apple-ի աշխատակիցներն օգտատերերի կողմից նման արձագանք չէին ակնկալում:
Շատերը վրդովվել էին, երբ ալբոմն անսպասելիորեն հայտնվել էր iTunes-ի նրանց երգադարանում, իսկ կարգավորումներից կախված՝ նաև Apple-ի բջջային սարքերում՝ առանց այն ջնջելու հնարավորության:
http://youtu.be/nXJz3C12bWs
