Կիրակի օրը՝ սեպտեմբերի 14-ին, օրինակելի մայրիկ Գվեն Ստեֆանին իր միջնեկ որդու ծննդյան օրվա կապակցությամբ երեք որդիների համար երեկույթ է կազմակերպել, գրում է Spletnik.ru-ն: Ընդ որում, նրա որդին ծնվել է օգոստոսի 20-ին:
Տոնակատարությունը նշել են Լոս Անջելեսի Milk ստուդիայում: Ընտանիքի բոլոր անդամները, բացի գլխավորից՝ Bush խմբի ֆրոնթմեն Գևին Ռոսդեյլից, որը բաց է թողել երեկույթը, վառ և ոճային տեսք են ունեցել, իսկ Գվենը հանդես է եկել արդեն ավանդական դարձած սև-սպիտակ կոմբինեզոնով, մեծ արևապաշտպան ակնոցով, վառ կարմիր շրթներկով:
Նշենք, որ Գվենի որդիները նույնպես վառ և նորաձև են հագնված եղել: Եվ դա զարմանալի չէ՝ հաշվի առնելով Գվենի դիզայներական կարիերան: Հիշեցնենք, որ Նյու Յորքի Նորաձևության շաբաթվա ընթացքում նա ներկայացրել է իր L.A.M.B. մակնիշի գարուն-ամառ հավաքածուն:
Ինչ վերաբերում է Գվենի երաժշտական կարիերային, ապա յոթերորդ սեզոնում նա կզբաղեցնի Voice-ի ժյուրիի աթոռը: