Ննջեցյալների հիշատակության օրերին՝ մեռելոցին, արդեն ավանդույթ է դարձել ծաղիկների ինքնանպատակ թանկացումը: Մեծ թվով մարդիկ այցելում են մահացած հարազատների շիրիմներին և անպայման ծաղիկ են տանում՝ թեկուզ թանկ գնով: Եթե մեխակը, օրինակ, սովորական օրերին կարող ենք ձեռք բերել 100-150 դամով, ապա այս օրերին 250 -350 դրամ է, ամենափոքր ծաղկեփունջը 1000 դրամ է, որը սովորական օրերին վաճառվում է 500 դրամով: Միջին ծաղկեփունջը, ընդ որում՝ մատչելի գնով ծաղիկներից հավաքված, արժե 3000-5000 դրամ, զամբյուղով ծաղկեփունջ հնարավոր է ձեռք բերել ամենամատչելին 7000 դրամով: «Առաջին լրատվական»-ը զրուցեց գերեզմաններ շտապող մարդկանց և ծաղկավաճառների հետ:
Հետաքրքիրն այն է, որ ծաղկավաճառները միանգամից սկսեցին գոռգոռալ՝ նշելով, որ խանգարում ենք իրենց առևտրին, իսկ ծաղկավաճառների մի մասն էլ նույնիսկ զայրանում էր, երբ գնորդներին էինք հարցեր ուղղում, քանի որ գրեթե բոլորն ասում էին, որ ծաղիկները շատ թանկ արժեն: Հայտնում էին, որ իրենք իհարկե հասկանում են, որ այս օրերը սնկի պես աճող ծաղկավաճառների փող աշխատելու ժամանակահատվածն է, բայց գոնե պիտի փոքր-ինչ համեստություն դրսևորեն:
Առավել մանրամասն՝ տեսանյութում:
