«Երկրապահը արյան վրա ստեղծված հավերժ կառույց է, այստեղ ապահարզան չի կարող լինել. ուր էլ գնան՝ շրջագայելու են ու նորից տուն են գալու: Հավաստիացնում եմ ձեզ՝ ինչ էլ ստեղծվի, ժամանակավոր է լինելու»,- «Առաջին լրատվական»-ի հետ զրույցում ասաց ԵԿՄ վարչության անդամ, «Նաիրի» տ/բ նախագահ, գնդապետ Նիկողայոս Եղիազարյանը՝ անդրադառնալով ԲՀԿ-ական պատգամավոր Ռուբեն Գևորգյանի կողմից «Երդվյալ ազատամարտիկների միություն» ստեղծելու վերաբերյալ հարցին:
Գնդապետը հավելեց, որ Երկրապահում խմորումներ չեն կարող լինել. «Հնարավոր է՝ միշտ եղել են քաղաքական ինտրիգներ, անցուդարձեր, որի ընթացքում ինչ-որ ավելորդություն է եղել: Անգամ եթե պատմական էքսկուրս կատարենք՝ կտեսնենք, որ պարսից շահին սահմանակից սահմանը ձգտում էր դեպի պարսից շահը, բյուզանդական սահմանին մոտ հատվածը՝ դեպի այդ շահը»,- ասաց Նիկողայոս Եղիազարյանը:
Ըստ նրա՝ պետք է համախմբվածությամբ պահենք մեզ մնացած հայրենիքի սահմանները. «Երկրապահը մեր ընտանիքն է, ընտանիքից չեն խռովում. ովքեր հոգով, արյունով երկրապահ են, կմնան երկրապահ: Երկրապահը սեր է, երկրապահը ես եմ, դու ես՝ ողջ ժողովուրդը»:
Առավել մանրամասն՝ տեսանյութում:
