«Համաշխարհային մրցունակության զեկույց 2014/15»-ի հիմնական արդյունքները․ Հայաստանի տեղը 144 երկրների մեջ

Մրցունակության համաշխարհային զեկույցի համաձայն Հայաստանն իր մրցունակությամբ 85-րդն է աշխարհի 144 երկրների մեջ

Համաշխարհային մրցունակության զեկույցը իր վերլուծություններն ամփոփում և համեմատվող երկրներին դասակարգում է Համաշխարհային մրցունակության ցուցչի (ՀԱՄ ցուցիչ) միջոցով: Վերջինս մշակվել է Համաշխարհային տնտեսական ֆորումի (ՀՏՖ) կողմից: ՀԱՄ ցուցիչը, հաշվարկվելով մրցունակության 12 հենասյուների հիման վրա, երկրների մրցունակության ամփոփ գնահատական է տալիս:

Վարկանիշերի հաշվարկման հիմքում ընկած են վիճակագրական տվյալներ և ընկերությունների ղեկավարների հարցման արդյունքները: Ընկերությունների ղեկավարների հարցումը տարեկան կտրվածքով իրականացվում է ՄՀԶ-ում ներառված երկրներում’ ՀՏՖ-ի և Համաշխարհային մրցունակության ցանցի գործընկեր կազմակերպությունների կողմից:

«Տնտեսություն և արժեքներ» հետազոտական կենտրոնը’ որպես ՀՏՖ Համաշխարհային մրցունակության ցանցի գործընկեր Հայաստանում, ներկայացնում է «Համաշխարհային մրցունակության զեկույց 2014/15»-ի հիմնական արդյունքները:

2014/15 զեկույցի արդյունքներով Շվեյցարիան շարունակում է պահպանել առաջատարի դիրքը: Մրցունակությամբ առաջին հնգյակում են նաև Սինգապուրը, ԱՄՆ, Ֆինլանդիան և Գերմանիան:

ԱՊՀ տարածաշրջանի (ներառյալ Վրաստանը) երկրների խմբում զգալի առաջընթաց են արձանագրել Ղրղըզստանը (13 կետով), Ռուսաստանը (11 կետով) և Ուկրաինան (8 կետով): Հայաստանը գրանցել է հետընթաց 6 կետով:

Համաշխարհային մրցունակության համաթիվ       2014-2015 144 երկրների շարքում 2013-2014 148 երկրների շարքում Փոփոխություն Ադրբեջան 38 39 + 1 Ղազախստան 50 50 0 Ռուսաստան 53 64 + 11 Վրաստան 69 72 +3 Ուկրաինա 76 84 +8 Մոլդովա 82 89 +7 Հայաստան 85 79 -6 Տաջիկստան 91 – – Ղրղըզստան 108 121 + 13

2014-2015 թթ. Մրցունակության համաշխարհային զեկույցում (ՄՀԶ) Հայաստանը 144 երկրների մեջ գրավում է 85-րդ տեղը’ նախորդ տարվա համեմատ դիրքն իջեցնելով 6 տեղով: Առաջընթաց են գրանցել ենթակառուցվածքների, բարձրագույն կրթության և տեխնոլոգիական պատրաստվածության հենասյուները:    Միևնույն ժամանակ վատթարացել են մնացած հենասյուների ցուցանիշները:

Մասնավորապես ավելի քան 20 կետով վատթարացել են աշխատուժի շուկայի արդյունավետության և ֆինանսական շուկայի զարգացվածության հենասյուների ցուցանիշները:

Հայաստանի մրցունակության հենասյուների փոփոխությունները       ՀԱՄ 2014-15 տեղ ՀԱՄ 2013-14 տեղ   ՀԱՄ հենասյուները 144 երկրների շարքում 148 երկրների շարքում Փոփոխություն Ինստիտուտներ 72 65 -7 Ենթակառուցվածքն ե ր 78 80 +2 Մակրոտնտեսական միջավայր/կայունություն 77 64 -13 Առողջապահություն և տարրական կրթություն 99 85 -14 Բարձրագույն կրթություն և վերապատրաստում 75 77 +2 Ապրանքների շուկայի արդյունավետություն 64 58 -6 Աշխատուժի շուկայի արդյունավետություն 74 50 -24 Ֆինանսական շուկայի զարգացվածություն 97 76 -21 Տեխնոլոգիական պատրաստվածություն 71 72 + 1 Շուկայի չափ 118 117 -1 Գործարարության կատարելագործվածություն 93 87 -6 Նորարարություն 104 103 -1

Ըստ առանձին ցուցանիշների զգալի բարելավվել են տեղական մրցակցության ուժգնության, նոր բիզնես սկսելու համար անհրաժեշտ օրերի քանակի, բջջային կապի հասանելիության, ինտերնետից օգտվողների թվի և դպրոցներում ինտերնետի հասանելիության ցուցանիշները: Վատթարացել են գնաճի (2013թ.տվյալներն են), ֆինանսական միջոցների հասանելիության, օտարերկրյա ուղղակի ներդրումների միջոցով տեխնոլոգիաների փոխանցման, քլաստերային զարգացման, և իրավական դաշտի ցուցանիշները: